12 жніўня ў філіяле “Ізабелінская сельская бібліятэка” для ўдзельнікаў  аматарскага аб’яднання “Чароўная карусель” прайшло фальклорнае падарожжа “Беларускі скарб”.

Дзеці адгадвалі  загадкі, успаміналі прымаўкі і прыказкі, вымаўлялі скарагаворкі. Да мерапрыемства была  аформлена  кніжная выстава, на якой  былі  прадстаўлены фальклорныя творы беларускага народа: казкі, песні, паданні, гульні, лічылкі і іншыя  жанры вуснай народнай творчасці.

Напрыканцы мерапрыемства дзеці пашырылі свае веды пра гістарычна-культурную спадчыну Беларусі, выхавалі пачуццё гонару і глыбокай павагі да нацыянальных традыцый і звычаяў, культуры сваёй малой радзімы.